Lejeqëndrimi për të huajt në Shqipëri, Çuçi: 30 ditë kohë për t’u paraqitur në zyrat e aplikimit (Video)

113 563 lexime

106,048FansaPëlqeje

Shtetasit e huaj me leje qëndrimi në Shqipëri tashmë do të pajisen me karta elektronike me të dhëna biometrike ndryshe nga varianti i deritanishëm që ishte thjesht një dokument në formatin e letrës A4. Ministri i Brendshëm, Bledi Çuçi, ishte në një prej zyrave të aplikimit në Tiranë për t’u njohur me këtë proces që vjen në kuadër të dixhitalizimit të shërbimeve të Gjendjes Civile. Ministri tha se përmes dokumentit të ri me të dhëna biometrike, shtetasit e huaj me leje qëndrimi në vendin tonë, kanë gjithashtu mundësi të përfitojnë nga shërbimet qeveritare në portalin “e-Albania”.

“Besoj se rreth 20 mijë shtetasit e huaj që janë me leje qëndrimi në Shqipëri, do kenë tashmë një mundësi shumë të mirë për të lehtësuar marrjen e shërbimeve në shtetin shqiptar. Eshtë një kartë që unë do ta quaja shumë moderne, sepse përsa i takon veçorive dhe informacionit që ka, është e njëjta me atë që kanë shtetasit shqiptarë, si kartë elektronike. Pasja e këtij dokumenti të ri është një element më shumë për t’u ndier shqiptarë, ashtu siç besoj se janë ndier deri tani, pavarësisht se kanë pasur si leje qëndrimi vetëm dokumentin e thjeshtë format A4”, tha ministri Çuçi.

Më tej ai njoftoi se të gjithë shtetasit e huaj me leje qëndrimi në Shqipëri kanë 30 ditë kohë për t’u paraqitur në zyrat e kompanisë “Aleat” në të gjithë vendin për të aplikuar për dokumentin e ri elektronik me të dhëna biometrike.

“Të gjithë të huajt që duan të jetojnë dhe punojnë në Shqipëri tashmë regjistrohen vetëm njëherë në drejtoritë e Kufirit dhe Migracionit të Policisë së Shtetit dhe pastaj çdo gjë bëhet elektronikisht, duke mundësuar më së fundi komunikimin e regjistrave: regjistrit “FER”, që është regjistri i të huajve që janë me leje qëndrimi në Shqipëri dhe që administrohet nga drejtoria e Kufirit me regjistrin e Gjendjes Civile”, u shpreh Ministri i Brendshëm.

Lexo edhe :  Para sfidës me San Marinon, Hysaj si kapiten: Jemi përforcuar me lojtarë


Të fundit

Lejeqëndrimi për të huajt në Shqipëri, Çuçi: 30 ditë kohë për t’u paraqitur në zyrat e aplikimit (Video)

Shtetasit e huaj me leje qëndrimi në Shqipëri tashmë do të pajisen me karta elektronike me të dhëna biometrike...

Balla takim me përfaqësues të shqiptarëve të Ukrahinës: Qeveria Rama dhe Kuvendi do të vazhdojnë t’i kushtojnë vëmendje diasporës shqiptare

Kryetari i Grupit Parlamentar të Partisë Socialiste Taulant Balla priti sot në Kuvendin e Shqipërisë një përfaqësi të shqiptarëve të Ukrahinës, të cilët kanë...

Bill Gates blen zinxhirin e hoteleve luksoze

2.2 miliardë dollarë investim në tregun e turizmit luksoz. Pas divorcit nga gruaja e tij Melinda, Bill Gates nuk ndalet dhe fokusohet fuqishëm në...

Policia arreston 11 shoferë, pezullon 39 leje drejtimi dhe vendos mijëra gjoba

Policia Rrugore ka shtuar kontrollet me dronë, kamera e aparate fotografike në akset kryesore të vendit. Në kontrollet e kryera gjatë 24 orëve të fundit...

Italia lejon kultivimin e kanabisit në shtëpi

Italia ka hedhur një hap të ri në lidhje me legjislacionin që lidhet me përdorimin e kanabisit dhe trafikut të kësaj bime narkotike. Komisioni i...

Lajme të tjera

Web TV