Tetovë/ Zjarri në spitalin Covid, qytetarët marshojnë për të përkujtuar 14 viktimat

113 563 lexime

124,178FansaPëlqeje

Në Tetovë të Maqedonisë së Veriut më 11 shtator mijëra qytetarë kanë marshuar, për të kujtuar 14 viktimat e incidentit në spitalin modular të këtij qyteti.

Më 8 shtator, 14 persona humbën jetën pasi në spitalin modular të Tetovës, ku po trajtoheshin personat e prekur nga COVID-19, shpërtheu një zjarr, që besohet se është shkaktuar nga shpërthimi i bombolave të gazit apo të oksigjenit. Po ashtu, 12 persona janë plagosur.

Marshi përkujtues është organizuar nga grupi i tifozëve “Ballistët”. Qytetarët mbollën 14 drunj për të përkujtuar 14 viktimat e zjarrit. Marshi nisi nga sheshi “Iliria” dhe vazhdoi deri te vendi ku ndodhej spitali.

Lidhur me ngjarjen që ndodhi më 8 shtator, ka dhënë dorëheqje ministri i Shëndetësisë, Venko Filipçe.

“Si mjek dhe ministër kam integritetin tim, për këtë sot për arsye morale, kam dorëzuar me shkrim dorëheqjen time deri të kryeministri Zoran Zaev”, ka deklaruar në një konferencë për media, ministri Filipçe më 10 shtator.

Po atë ditë dorëheqje kanë dhënë edhe zëvendësministri i Shëndetësisë, Ilir Hasani, drejtori i spitalit të Tetovës, Florin Besimi dhe shefi ekonomik i Spitalit, Artan Etemi.

Qeveria maqedonase ka kërkuar ndihmën e Bashkimit Evropian dhe Aleancës Veri-atlantike (NATO) për hetimin e zjarrit.

/REL

Të fundit

Tragjedia e Parashqevisë, pasojë e mediokritetit shqiptar

Nga Spartak Ngjela Koha e përditshme në këto çaste po tregon që nëse ka pasur vërtet një tragjedi Simaku, mediokriteti...

Deklarata e Ambasadës Amerikane/ Berisha: 5 nëntori ua dha atyre përgjigjen

Ish-kryeministri dhe njëgerazi Kryetari i Partisë Demokratike, Sali Berisha ka dhënë një deklaratë për mediat jashtë sallës së Kuvendit, ku tha se kryeministri Edi...

“Televizioni po shkon drejt llumit”/Alketa i kthehet Dalinës:Po produksioni që prodhon ti

Dalina Buzi ishte e ftuar në podcatin e Alketa Vejsiut. Si një producente dhe njeri i televizionit, që ka prodhuar shumë projekte, ka folur...

Vota e diasporës/ Celibashi: KQZ po punon për të realizuar të gjitha sfidat

Komisioni Qendror i Zgjedhjeve (KQZ) ka përfunduar pothuajse të gjitha aktet nënligjore të nevojshme për mundësimin e votës nga diaspora në zgjedhjet parlamentare të...

Instagram prezanton ndryshimin e ri. Do ju pëlqejë shumë!

Instagram po prezanton një veçori për mesazhet direkte, skedulimi i tyre. Ndërsa skedulimi i postimeve dhe Reels është i mundur prej shumë kohësh, mesazhet...

Lajme të tjera

Web TV