Varri i reperit Pop Smoke u gjet i vandalizuar të shtunën, ndërsa ende nuk dihen autorët.
Mediat publikuan pamje nga varrezat “Green- Wood” në Bruklin ku shihej se guri i mermertë i varrit të reperit ishte thyer dhunshëm.
Zëdhënësi i “Green-Wood”, Jeff Simmons tha për The Post, “Një incident vandalizmi ndodhi në territorin tonë herët të shtunën. Ne njoftuam menjëherë autoritetet dhe jemi në kontakt me familjen. Duke pasur parasysh hetimin në vazhdim, ne nuk mund të komentojmë më shumë në këtë kohë. ”
Kujtojmë se këngëtari 20-vjeçar u qëllua për vdekje në një grabitje në Los Angelos në shkurt të 2020.
Katër persona, dy burra dhe dy adoleshentë u arrestuan në lidhje me ngjarjen.
