Përmes një postimi në Facebook, Ambasada e Shteteve të Bashkuara të Amerikës në Tiranë ka kujtuar 74 vjetorin e themelimit të Forcave Ajrore të SHBA-së. Këtë ditë, Ambasada Amerikane e përkujtoi duke theksuar partneritetin e fortë ushtarak midis Shteteve të Bashkuara dhe Shqipërisë.
Ambasada bëri të ditur se ekipi, i komanduar nga koloneli Guttormsen i Gardës Kombëtare Ajrore të New Jersey, u takua me Shefin e Shtabit të Forcave Ajrore Shqiptare, Arben Cenoli, dhe ushtarakë të tjerë shqiptarë.
Forcat Ajrore të SHBA u themeluan zyrtarisht më 18 shtator 1947, dhe në dekadat që vijuan u kthyen në një forcë ajrore të pakrahasueshme.
