Massimiliano Allegri po lufton me një nga fillimet më të këqija ndonjëherë. Në 18:30, Juventusi do të vizitojë Spezia për të provuar të ndryshojë rrjedhën e një sezoni, që ka nisur me këmbën e gabuar: asnjë fitore pas katër ndeshjeve të para të Serie A.
“Tani duhet të ulim kokën, sepse vetëm tri pikët na bëjnë punë, – tha dje trajneri bardhezi në konferencë për shtyp. – Është e kotë ta mohosh, kjo përballje është mes dy skuadrash për mbijetesë, po të shohim renditjen aktuale”. I vetmi lojtar i padisponueshëm (përveç Arthur të lënduar dhe Kaio Jorge) është Chiellini, i cili ditët e fundit kishte pak ethe dhe u la në shtëpi.
Ja formacionet e mundshme:
SPEZIA (4-3-3): Zoet; Amian, Hristov, Nikolau, Bastoni; Ferrer, Bourabia, Maggiore; Salcedo, Manaj, Gyasi
JUVE (4-4-2): Szczesny; Danilo, De Ligt, Bonucci, De Sciglio; Chiesa, Bentancur, McKennie, Bernardeschi; Dybala, Kean
