Ndihmësi i Presidentit të Ukrainës, Volodymyr Zelensky, i shpëtoi një atentati të frikshëm.
Një breshëri plumbash vërshuan drejt tij teksa ishte në automjet në një fshat pranë Kievit. Nga atentati në fjalë, ka mbetur i plagosur shoferi, ndërsa ndihmësi ia ka hedhur pa lëndime.
“Sot, rreth orës 10:00, pranë fshatit Lisnyki, makina e ndihmësit të parë të presidentit, Serhiy Shefir, u qëllua me armë”, ka thënë policia në faqen e saj të internetit.
Mësohet se në drejtim të makinës janë lëshuar rreth 10 plumba, ndërsa policia është vendosur në kërkim të autorit/ve të përfshirë.
