Demian Smith është takuar me koordinatorët dhe partnerët vendas të Këndeve Amerikane në Shqipëri. Lajmin e ka bërë të ditur Ambasada Amerikane në Shqipëri përmes një statusi në Facebook.
Smith vlerësoi punën që Këndet Amerikane bëjnë në sjelljen e kulturës së Shteteve të Bashkuara për publikun shqiptar.
Statusi i plotë:
I ngarkuari me Punë Demian Smith u takua të premten me koordinatorët dhe partnerët vendas të Këndeve tona Amerikane në Shqipëri. Z. Smith pati mundësinë të mësonte më shumë mbi programet e ndryshme dhe nismat rinore të Këndeve tona. Ai vlerësoi partneritetin e Këndit Amerikan në Tiranë, Vlorë dhe Kukës me organizatat vendase partnere dhe punën e jashtëzakonshme që ata bëjnë në sjelljen e kulturës së Shteteve të Bashkuara për publikun shqiptar.
