Vrasja e efektivit të policisë, Saimir Hoxha, ka tronditur Lezhën dhe gjithë Shqipërinë.
Pas ngjarjes janë ngritur postoblloqe në pikat hyrëse të kryeqytetit. Siç shihet edhe në foton më poshtë, një postobllok është ngritur te Universiteti Bujqësor.
Policia ka dhënë informacion mbi ngjarjen dhe identitetin e autorit, i cili është Aldo Rama, 21 vjeç.
Grupi i posaçëm hetimor ndodhet në vendngjarje dhe nën drejtimin e Prokurorisë së Rrethit Gjyqësor Lezhë vijon punën për zbardhjen dhe dokumentimin e plotë ligjor të kësaj ngjarjeje kriminale.
