Gjendja e gazetarit dhe komentatorit të njohur sportiv, Kosta Grillo vijon të jetë kritike!
Prej kohësh Grillo ndodhet jashtë shtetit, më saktë në Turqi ku ka shkuar për kurim, por gjendja e tij shëndetësore duket se nuk ka patur përmirësim.
Rreth 1 muaj më parë, Fjala.al mësoi ekskluzivisht se mjekët morën vendimin për ta futur në intubim Grillon, por mesa duket dhe kjo lëvizje nga ana e tyre nuk e ka ndryshuar shumë situatën.
Së fundmi, miku i tij Ervin Baku ka bërë thirrje në rrjetet sociale duke ftuar miqtë, të afërmit dhe të njohurit që të japin kontributin e tyre për të ndihmuar financiarisht familjarët pasi kostot e kurimit janë marramendëse.
“Duke ditur që fatura tani ka shkuar kacafiu, në shifra marramendëse, natyrisht e papërballueshme për familjen, ftojmë edhe njëherë të gjithë, dashamirësit, ju jeni me qindra e mijëra, sipas mundësisë suaj, të jepni një kontribut financiar në këtë llogari”, shkruan ai.
Postimi i plotë i Bakut:
Gjendja e kolegut, shokut, mikut, vëllait tonë KOSTA GRILLO vazhdon të jetë shumë kritike. Siç të gjithë e dimë, Kosta është shtruar në spitalin Memorial, në Turqi, që prej datës 12 gusht. Dhe ndodhet në reanimacion që prej datës 27 gusht…
Duke ditur që fatura tani ka shkuar kacafiu, në shifra marramendëse, natyrisht e papërballueshme për familjen, ftojmë edhe njëherë të gjithë, dashamirësit, ju jeni me qindra e mijëra, sipas mundësisë suaj, të jepni një kontribut financiar në këtë llogari:
Llogaria është në emër të :
LEDIA GRILLO KASEM
Raiffeissen Bank
Nr. llogarisë dhe IBAN: AL74202120070000000200014318
Nga ana tjetër, ata/o që besojnë në Zot, të vazhdojnë të luten fort për shpëtimin e Kostës… Zoti bën mrekulli… Të lutemi për shpëtimin e kolegut, mikut, vëllait tonë Kosta Grillo!
