Një ngjarje e trishtë është shënuar ditën e sotme që preku zemrat e të gjithë shqiptarëve. Xheni Kaba, 24 vjeçe, ka humbur jetën si pasojë e koronavirusit.
Me shumë përpjekje ajo solli në dritë vogëlushin e saj të vogël, në një nga spitalet e kryeqytetit. Por, nëna njëkohësisht kishe rezultuar pozitive me COVID-19 dhe si pasojë e komplikacioneve ajo kreu lindje të parakohshme në Tiranë.
Me shpresën se do t’ia dilte mbanë dhe do të ngrihej në këmbë për të rritur beben, ajo u dërgua për mjekim më të specializuar në Turqi. Por pavarësisht përpjekjeve, fatkeqësisht e reja nuk mundi ta fitonte betejën me COVID. Ndërsa, burime bëjnë me dije se ajo nuk e kishte bërë vaksinën anti-COVID.
Kujtojmë që një ditë më parë, në spitalin Infektiv humbi jetën një tjetër grua shtatzënë e si pasojë e koronavirusit. Roza Qoja, 34 vjeçe nga fshati Gjadër i Lezhës, ishte 4 muajshe shtatzënë. E reja ishte prekur nga virusi prej disa ditësh dhe për shkak se iu përkeqësua gjendja shëndetësore erdhi në Tiranë, ku për pasojë përfundoi në intubim.
