Një 58-vjeçar është arrestuar në Berat pasi pajiste subjekte tregtare me certifikata dezifektimi të falsifikuara.
Burimet zyrtare bëjnë me dije se në pranga ka rënë shtetasi E.D nga Berati, i cili ishte me detyrë administrator i një subjekti që kryen dezifektime. Duke përfituar nga posti, ai pajiste me certifikata dezifektimi të falsifikuara subjekte të ndryshme tregtare kundrejt përfitimeve monetare.
Materialet i kaluan Prokurorisë së Rrethit Gjyqësor Berat, për veprat penale “Falsifikim i dokumenteve” dhe “Korrupsion pasiv në sektorin privat”.
