Gjatë kohës kur ishte kryeministër, në vitet 1997-2007, Tony Blair premtoi se do të bënte çdo gjë për të luftuar evazionin fiskal. Sidoqoftë, dhjetë vite pasi u largua nga pushteti, ai shfrytëzoi rastin dhe fitoi 312 mijë paund nga shmangia e taksave, shkruan The Independent
Ish -kryeministri i Mbretërisë së Bashkuar dhe gruaja e tij Cherie Blair”kursyen” 312 mijë paund pasi blenë një zyrë në Londër, sipas hulumtimit të “Pandora Papers”. Hetimi, i cili nxjerr në pah prova të fshehjes ose pastrimit të dhjetëra miliarda eurove përmes kompanive të ndryshme për më shumë se 300 politikanë, më shumë se 30 prej të cilëve janë ish -krerë shtetesh dhe qeverish, përfshin çiftin Blair.
Sipas gazetës britanike “Independent”, në vitin 2017, Tony Blair bleu një rezidencë për 6.45 milion paund në Harcourt Street në Londër si edhe një zyrë për bashkëshorten e tij. Gruaja e tij donte të mbulonte firmën juridike Omnia si dhe fondacionin e saj për të drejtat e grave.
Blair së bashkë me bashkëshorten e tij bleu një një kompani të pasurive të patundshme nga familja e Zayed bin Rashid al-Zayani, Ministër i Industrisë dhe Turizmit në Bahrein. Nga ky transaksion, Tony dhe Cherie u bënë pronarë të një prone me vlerë 7.6 milionë euro, duke shmangur pagesën e taksave që arrijnë në 400 mijë euro.
Çifti Blair pohoi se ata e blenë pronën “përmes agjentëve të pasurive të patundshme” dhe “nuk kishin asnjë lidhje me personat që ishin pas saj”. Ai shtoi se “ai kurrë nuk kishte fshehur transaksionet ose kishte shmangur taksat”.
Sipas disa dokumenteve, ndërtesa katër katëshe që Bler bleu katër vite më parë i përkiste një kompanie me bazë në Ishujt e Virgjër Britanikë.
