Tina Turner i shiti të drejtat për katalogun e saj muzikor, përfshirë hitet The Best dhe Nutbush City Limits, kompanisë muzikore BMG.
Sipas marrëveshjes, BMG fiton gjithashtu të drejtat për emrin, imazhin dhe sponsorizimeve të ardhshme të këngëtares së famshme.
Kompania nuk zbuloi sa ka paguar, por burimet e industrisë thanë se shifra arrin vlerën e 50 milionë dollarëve.
“Udhëtimi muzikor i Tina Turner ka frymëzuar qindra miliona njerëz në të gjithë botën dhe vazhdon të tërheqë audiencë të re. Ajo është thjesht më e mira”, tha shefi i BMG, Hartwig Masuch.
Ai tha se kompania kishte për qëllim të prezantonte punën e Turner tek audicenca e re, veçanërisht në transmetimet dhe platformat e mediave sociale të përqendruara tek muzika, si TikTok.
Ndërsa Turner u shpreh se muzika e saj tani është në duar të sigurta. 81-vjeçarja është një nga yjet më të njohur në historinë e muzikës pop.
Ylli i muzikës iu bashkua grupit të Ike Turner në moshën 18-vjeçare dhe brenda dy vitesh u bënë shumë të famshëm me një seri Hitesh si A Fool In Love, River Deep, Mountain High dhe Nutbush City Limits.
Ike dhe Tina u martuan në vitin 1962, por marrëdhënia e tyre ishte e trazuar dhe e dhunshme ndaj këngëtarja paraqiti kërkesën për divorc në vitet ’70.
Karriera solo e Turner eklipsoi shpejt atë të me Ike, duke fituar me pesë albume platin.
Ajo ka fituar 12 çmime Grammy dhe do të hyjë në Rock & Roll Hall Of Fame si një artiste solo në tetor.
