Arbër Hajdari ka deklaruar së fundmi se mund të heqë dorë nga “Fundjavë Ndryshe”. I ftuar tek “Rudina”, Hajdari tha se në të ardhmen ka menduar që të nisë punë në fushën që ka studiuar, në drejtësi.
Rudina Magjistari: Do të vazhdoni secili në punët e veta edhe kur të jeni në Tiranë apo do të të bashkohet Vlera me ty?
“Nuk e di, kemi disa plane, por që kur Vlera të vijë këtu dhe të sistemohet njëherë, mendoj që mund të nisim edhe diçka të re bashkë, një punë të re, Arbri nuk do të jetë përgjithmonë pjesë e fondacionit. Mendoj se i kam shërbyer vendit tim.
I kam shërbyer për një sistem që nisi me ato qeskat e vogla, por sot është krijuar një sistem që ndoshta për shumë pak kohë ka nevojë për Arbrin dhe pastaj ecën vetë. Kështu që jam krenar për këtë.
Nuk dua që jeta ime të ndërtohet vetëm në kuadrin e fondacionit “Fundjavë Ndryshe”, por unë dua ta provoj dhe veten time, së pari për gjënë që jam shkolluar”, tha ai.
