Para disa ditësh, këngëtarja Beatrix Ramosaj zbuloi se ishte prekur nga Covid-19. Artistja qëndroi e karantinuar në shtëpi derisa e kaloi virusin, mirëpo tashmë po përballet me pasojat e tij.
Ditën e djeshme, Ramosaj publikoi në Instastory një foto të vetes, në të cilën shfaqej e ulur, me flokë të kapura bisht dhe e veshur me një bluzë bezhë. Më anë të këtij imazhi, këngëtarja zbuloi se një ndër pasojat e Covid-it është shtimi në peshë.
“Covid-i më ka futur në depresion, sepse shtova shumë peshë. Sot fillova palestrën përsëri dhe kuptoj se do të jetë një rrugë e gjatë derisa të ndihem vetvetja përsëri, por shëndeti i pari, hap pas hapi,” shkroi ajo krahas imazhit.
Gjatë kohës që ishte e infektuar, Beatrix publikoi një foto tjetër të vetes në Instagram, krahas së cilës shkroi se pas një dite do të dilte nga karantinimi e më në fund do t’i rikthehej projekteve muzikore.
Ndër të tjera ajo zbuloi se një nga problemet shëndetësore që i kishte shkaktuar koronavirusi, ishte vështirësia për të ngjitur e zbritur shkallët.