Një gjyq po zhvillohet për futbollistin francez, Karim Benzema, i cili akuzohet për bashkëpunim në shantazhin ndaj ish -shokut të skuadrës, lidhur me një kasetë me përmbajtje erotike.
Sulmuesi i Real Madridit akuzohet për “bashkëpunim” në shantazhin ndaj Mathieu Valbuena, i cili luan për klubin grek të Superligës Olympiacos. Hetuesit thonë se Benzema inkurajoi mesfushorin Valbuena, 37 vjeç, të paguante shantazhuesit.
Benzema, i cili nuk u paraqit në gjykatë, mund të dënohet me pesë vjet burg dhe një gjobë prej 75,000 € (63,000 £) nëse shpallet fajtor. Avokati i Valbuenas i tha gjykatës se ai “shprehu keqardhjen” për mungesën e lojtarit, dhe sugjeroi që ta marrë seriozisht gjyqin.
Në fillim të këtij viti, Valbuena i tha radios RMC se ai besonte se rasti kishte çuar në përfundimin e karrierës së tij ndërkombëtare.
