Bashkia e Tiranës në bashkëpunim me Dhomën e Tregtisë dhe Industrisë, çelën panairin e rëndësishëm për Prodhuesit dhe Konsumatorin shqiptar “Shijo Produktet Lokale të Tiranës”, që do të zgjasë gjatë datave 22-23-24 Tetor.
Shumë biznese të vogla, që i janë kushtuar më së shumti zhvillimit të agroturizmit me bazë produktet bio të zonave periferike, kanë ekspozuar produktet e tyre në panairin vendor të bujqësisë që po mbahet në sheshin “Skënderbej”.
“Shijo Produktet Lokale të Tiranës” është një event i madh i biznesit shqipfolës, ku kanë marrë pjesë një numër i madh i kompanive nga Kosova, Maqedonia dhe Shqipëria.
Kompanitë pjesëmarrëse ndër vite janë kryesisht të profilit agroushqimor, por jo vetëm.
Panairi do të konceptohet si një pikëtakim mes prodhuesve dhe konsumatorëve të cilët pritet të jenë të shumtë në sheshin “Skënderbej”, ku fokusi kryesor është promovimi i kompanive që operojnë në tregun shqiptar.
Pamjet nga organizimi i këtij eventi:
