Detaje të reja janë zbuluar nga krimi në Glyka Nera, ku piloti 33-vjeçar Babis Anagnostopoulos ekzekutoi gruan e tij Caroline Crouch në sytë e foshnjës së tyre.
Sipas mediave greke, piloti kishte konflikte të vazhdueshme në familje me bashkëshorten e tij, për shkak se ajo kishte dyshime të arsyeshme se ai e tradhtonte.
Këto të dhëna ajo ia kishte rrëfyer dhe psikologes së saj, e cila ishte munduar ta këshillonte dhe qetësonte për të shpëtuar martesën e saj.
Miqtë e familjes së Babis Anagnostopoulos nga Alonissos , folën për mediat greke dhe vunë në dukje se asnjëri prej tyre nuk beson se vrasësi kishte një lidhje paralele, duke u shprehur se “ishte i pasionuar pas Caroline. Ai erdhi me helikopter në ishull vetëm për t’i sjellë asaj një buqetë. Ai nuk do të vriste një grua për një tjetër.
Një tjetër shok i pilotit tha në emisionin “To Proino” se Babis kur ishte 23-vjeç, kishte pasur një lidhje me një vajzë të mitur 16-vjeçare.
“Babis në moshën 23-vjeçare ka pasur një lidhje me një vajzë 16-vjeçare për një vit. Tani vajza thotë se ka qenë lidhja më e mirë që ka pasur ndonjëherë. Ai nuk ishte manipulues apo shtytës, por shumë i kujdesshëm. Nuk mund të besojmë se ai mund të jetë vrasës”, ka thënë shoku i pilotit.
