Në 1 nëntor të vitit 1952, Forcat e Armatosura të Shteteve të Bashkuara të Amerikës, testojnë me sukses provën e parë bërthamore të Bombës me Hidrogjen të quajtur Ivy Mike.
Me një fuqi goditëse prej 10.4 megatonësh, kërpudha e zjarrit që u formua do të shihej në atollin e ishujve Enewetak në Oqeanin Paqësor, me sy të lirë në një diametër prej 160 km nga vëndi i shpërthimit. Kjo do të ishte dhe një nga provat bërthamore më të fuqishme të SHBA-së, gjatë Luftës së Ftohtë.
Bomba me hidrogjen ose Bomba-H është arma më shkatërruese bërthamore e krijuar ndonjëherë nga njeriu. Në aspektin ushtarak, konsiderohet një evolucion i bombës atomike “të thjeshtë” dhe funksionon me një reaksion të fuzionit termobërthamor, jo shumë ndryshe nga ajo që ndodh brenda Diellit.
Kjo armë është shumë më e fuqishme se bombat atomike që goditën Hiroshimën dhe Nagasakin.
Një bombë “tradicionale” atomike është e bazuar në procesin e ndarjes në zinxhir të bërthamës atomike të një materiali të zbërthyeshëm (si urani 235 apo plutoni 239), e cila ndodh në mënyrë të pakontrolluar dhe lëshon një sasi të madhe energjie.
