Dy adoleshentë janë arrestuar nga policia e Kamzës, pasi qarkullonin të armatosur. Burime zyrtare bënë me dije se në kuadër të operacionit ë koduar “Adoleshentët”, u kapën shtetasit me inicialet E. K., 18 vjeç, banues në Kamzë dhe M. K., 16 vjeç banues në Kamzë, i arrestuar dhe i proceduar disa herë për vjedhje, armëmbajtje pa leje dhe dhunë në familje.
Gjatë operacionit, 16-vjeçari është kapur në flagrancë duke qarkulluar me një armë zjarri pushkë me një krehër me 20 fishekë, së bashku me shtetasin E. K.
Shërbimet e Policisë, pas kontrollit në banesën e 18-vjeçarit, gjetën dhe sekuestruan edhe një armë zjarri pistoletë.
Materialet hetimore i kaluan për veprime të mëtejshme, Prokurorisë së Rrethit Gjyqësor Tiranë, për veprat penale “Armëmbajtja pa leje” dhe “Prishja e qetësisë publike”.
