Çdo ditë dalin detaje të reja lidhur me ngjarjen tragjike të disa ditëve më parë, ku aktori i njohur Alec Baldwin qëlloi aksidentalisht për vdekje kineasten Halyna Hutchins gjatë xhirimeve për filmin “Rust”.
Avokati Jason Bowles është shprehur se dikush ka vendosur qëllimisht një fishek në armën e përdorur nga aktori Alec Baldwin.
Avokati i Hannah Gutierrez, shtoi se ajo kishte nxjerrë municion nga një kuti që ajo besonte se përmbante vetëm plumba të rremë.
Për këtë arsye ai mendon se është e mundur që dikush të ketë vendosur me qëllim plumba të vërtetë, të cilët duken të ngjashëm në kuti. Pas deklaratës së avokatit, kompania Rust Movie Productions ka deklaruar se ka nisur hetimet në lidhje me ngjarjen.
