Një sasi tritoli, e vënë në derën e një servisi celularësh, ka shpërthyer mbrëmjen e djeshme në Yzberisht, në rrugën “Thoma Goxhaj”.
Ngjarja u regjistrua rreth orës 23:30, ndërsa fatmirësisht nga shpërthimi ka patur vetëm dëme të vogla materiale dhe nuk kanë mbetur persona të lënduar.
Servisi ishte në pronësi të Olsi Isufit. Ky i fundit, ka pohuar se pasi ka rënë alarmi në dyqan ka kuptuar se diçka ka ndodhur në biznesin e tij. Ai mësohet se ka shkuar në mesnatë në polici ku ka dhënë detaje rreth ngjarjes, ndërsa ka pohuar se nuk ka konflikte me askënd dhe se nuk dyshon te asnjë njeri.
Dyqani është i pajisur me kamera sigurie dhe ka filmuar gjithë momentin, si dhe autorin e ngjarjes. Aktualisht policia po punon për zbardhjen e ngjarjes.
