Ky është momenti kur makina tip “Audi” në të cilën ndodheshin dy viktimat e atentatit të sotëm në Astir, largohet nga vendngjarja. Në pamjet e publikuara, shihet se si makina luksoze është bërë “shoshë” nga plumbat, që i morën jetën Erigers Mihasit dhe Armando Dumanit.
Atentatorët, besohet se kanë qëlluar me kallashnikovë nga një mjet tjetër në lëvizje, e më pas, janë larguar në drejtim të “Ish sheshit Shqiponja”. Policia ka gjetur një makinë të djegur, tip “Toyota” në zonën e Thumanës, e që dyshohet se është përdorur nga autori/ët.
