Zbardhet dëshmia e Klodian Çalamanit, 38-vjeçari i cili akuzohet se rrëmbeu dhe më pas vrau një fëmijë vetëm 8-vjeç në fshatin Mujalli të Fierit.
Para efektivëve të policisë, ai ka pranuar se të miturin e marrë peng fillimisht në banesë dhe pas disa orësh e ka vrarë. Trupin e ka groposur në një pjesë të oborrit të tij duke e mbuluar me baltë.
“Po. Unë e mora në shtëpi. E vrava dhe pastaj e groposa në oborrin tim” -mësohet se është shprehur ai. Prindërit e të miturit kishin humbur kontaktet që në orët e paradites.
Rreth orës 15.30 ata kishin bërë denoncim në polici dhe më pas u zbulua krimi që kishte bërë fqinji i tyre, Raportohet se autori pasi kishte qëlluar disa herë me lopatë në kokë djalin e mitur, më pas e kishte mbuluar me baltë në oborrin e banesës së tij.
Por, fill pas këtij episodi të rëndë, ai ka dalë në rrugë, ndërsa ka pyetur disa herë familajrët e viktimës nëse e kishin gjetur djalin. Kjo edhe për të humbur gjurmët. Mësohet se ai ka dalë në rrugë në gjendje të dehur, ndërsa ka pyetur vazhdimisht me pyetjet; ‘A e keni gjetur djalin?’, ‘A erdhi djali në shtëpi?’.
Ndërkohë, pasi u shoqërua në polici, 38-vjeçari u rrëfye në komisariat, ku pranoi edhe krimin makabër.
Çalamani njihej si person problematik në fshat. Ai ishte i alkoolizuar dhe në të kaluarën kishte rrëmbyer një vajzë.
