Shërbimi për Çështjet e Brendshme dhe Ankesat pas denoncimit të banorëve për Klodian Çalamanin kanë nisur hetimet në drejtim të Policisë së Fierit.
Reagimi i SHÇBA ka ardhur menjëherë pas denoncimit të bërë mëngjesin e sotëm në media nga një banorë i fshatit ku tregonte se autori i kishte përdhunuan gruan dhe për këtë vepër nuk ishte arrestuar nga policia.
Bëhet me dije nga njoftimi zyrtar, se SHÇBA do të marrë në hetim të gjitha denoncimet që mund të jenë bërë në drejtim të Çalamanit përpara ditës së djeshme. Sipas dëshmive të banorëve të zonës, ai rrinte vazhdimisht i dehur, dhe mbante me vete thikë dhe hanxharë, duke frikësuar fëmijët por edhe të rriturit.
NJOFTIMI I SHÇBA-së:
Pas publikimit në media të disa deklaratave prej banorëve në fshatin Greçalli të Fierit në lidhje me ngjarjen tragjike të vrasjes së të miturit nga shtetasi i dyshuar, Klodian Çalamani, SHÇBA njofton se ka nisur procedurat hetimore mbi veprimet e Policisë Fier në lidhje me denoncimet e kryera ndaj autorit përpara ngjarjes së datës 16.11.2021.
SHÇBA fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90.
