Një ngjarje e rëndë tronditi ditën e djeshme mbarë opinionin publik në Shqipëri. Një 38-vjeçar, rrëmbeu dhe vrau barbarisht djalin e fqinjit të tij, në oborrin e banesës. Klodian Çalamani e gënjeu të miturin duke i dhënë biçikletën, më pas e futi në shtëpi dhe e vrau, para se ta groposte në oborr. Ngjarja ka bërë bujë të madhe dhe gjithë opinioni publik në Shqipëri kërkon dënimin maksimal për autorin, i cili nuk është hera e parë që përfshihet në ngjarje të tilla.
Së fundmi një banor i fshatit ku ka ndodhur ngjarja ka tronditur me deklaratën e tij. Ai tha për mediat se Çalamani i ka përdhunuar gruan dhe e ka denoncuar për këtë ngjarje të rëndë.
Qytetari tha:
Të tëra të këqijat i ka. E kam djalin e mikut tim. Ka qenë problematik, i ka të gjitha moralet e këqija, k*rvar, hajdut. Siç ka qenë i ati është edhe i biri. E kemi përzënë nga shtëpia, qe kam çuar dhe në polici. Më ka bërë edhe mua një gjest te shtëpia. Donte të përdhunonte gruan time, ka ndodhur pasi dola nga burgu edhe vetë. Ai të tëra të këqijat i ka. Më përdhunoi gruan, çfarë do të bëjë më. Ai është kriminel, do varur, ligji ti japë firmat e të gjithë fshatit. Bridhte me biçikletë tij, bën vaki që i ka marrë edhe lekë dhe e ka vrarë në bahçe. Aq logjikon. Nuk u dënua për gruan time, sepse nuk kishte shumë që kishte dalë. Un e denoncova, e rrahën dhe nuk i bënë gjë. Edhe frikë kemi pasur se ai është njeri i paparë duhet varur me sesbën, mendimi im dhe i tërë fshatit është ky. Mbante edhe thika, hanxharë me vete.
