Më në fund bie edhe Napoli. Është Interi që e mund në “San Siro” 3-2, duke hapur tashmë totalisht garën për titull. Zikaltrit arrijnë të mposhtin një rival direkt, për më tepër që ky sukses erdhi me përmbysje.
Në fakt ishin miqtë ata që kaluan në avantazh të parët me Zielisnki në minutën e 17, por vetëm 8 minuta më vonë vendasit barazojnë gjithçka me Calhanoglu i cili tregohet i saktë nga pika e bardhë e penalltisë.
Teksa 45 minutat e para po i ofroheshin fundit, Interi ka suprizë të këndshme për tifozët në stadium pasi Perisic shënon golin e dytë dhe të përmbysjes për të çuar “zikaltërit” në pushim me avantazhin minimal.
Pjesa e dytë nis sërish me ritëm të lartë dhë është Interi që shënon edhe golin e tretë më Martinez në minutën e 61 duke fituar një lloj qetësie dhe besimi.
Ekipi Spalletit nuk do të dorëzohej pasi në minutën e 78 Mertens i sapo futur në lojë do të rihapte takimin.
Pavarësisht tentativave të fundit rezultati 3-2 do të ishte përfundimtari.
