Një banesë ka rënë pre e një grabitjeje në Tepelenë, ku autorët kanë marrë një shumë të konsiderueshme parash.
Bëhet me dije se 3 persona kanë grabitur shtëpinë në Tepelenë. Ata kanë trokitur në banesë e Alim Muhos në fshatin Luzar dhe janë prezantuar si policë.
Kur janë futur në banesë duke i kërcënuar ata kanë arritur të grabisin 2 milionë leke të vjetra.
Muho jetonte me djalin dhe nusen e djalit por këta të fundit nuk gjendeshin dje ne banesë. Policia po shoqëron disa persona banues ne ketë fshat për zbardhjen e kësaj ngjarje.
Policia po punon për zbardhjen e ngjarjes dhe identifikimin e autorëve.
Tepelenë/Informacion paraprak
Rreth orës 00:20 të datës 28.11.2021, shtetasi A. M., 68 vjeç, banues në fshatin Luzat, Tepelenë, ka njoftuar se rreth orës 21:45 të datës 27.11.2021, në banesën e tij kanë shkuar tre shtetas të paidentifikuar (të pamaskuar dhe të paarmatosur), të cilët i kanë marrë shumën 200.000 lekë të reja.
Shtetasi A. M. ka kallëzuar para shërbimeve të Policisë se ka qënë i vetëm në banesë dhe tre personat e paidentifikuar nuk kanë ushtruar dhunë mbi të.
Menjëherë pas marrjes së njoftimit në vendngjarje kanë shkuar shërbimet e Policisë. Grupi hetimor po punon për identifikimin dhe kapjen e autorëve, si dhe për zbardhjen e rrethanave të ngjarjes.
