Napoli shkatërroi 4-0 skuadrën e Lacios dhe Elseid Hysajt dhe u ngjit i vetëm në krye të Serisë A, falë humbjes së Milanit në shtëpi ndaj Sassuolos.
Napoletanët shënuan dy gola të shpejtë në dhjetë minutat e para të takimit me anë të Zielinskit dhe të Dries Mertens.
Dizavantazhi i dyfishtë trullosi skuadrën e Lacios, që pësoi edhe golin e tretë në minutën e 29-të po nga Mertens. Pjesa e parë u mbyll 3-0 për vendasit.
Në të dytën, Napoli uli ritmin, ndërsa Lacio ishte e pafuqishme për të reaguar. Në të 85-ën, vendasit shënuan edhe golin e katërt me anë të Ruiz.
Në këtë takim, Hysaj u aktivizua për 90 minuta për Lacion kundër ish-skuadrës së tij, por pa mundur që të lërë gjurmë.
Napoli ngjitet në krye i vetëm me 35 pikë, tre më shumë se Milani, ndërsa në vendin e tretë ndodhet Interit me 31 pikë dhe katërshja plotësohet nga Atalanta me 28 pikë.
