Pas një krize të gjatë 10 vjeçare të gjesh një punë në Greqi është ende e vështirë.
Shifrat e papunësisë qëndrojnë në nivelin 13%, ndërsa papunësia për të rinjtë është edhe më e lartë në nivelin 28%.
Kjo e bën edhe më sfiduese për refugjatët që vijnë në vend, por një organizatë joqeveritare në vendin helen duket se ka gjetur një zgjidhje.
E ngritur pranë qytetit industrial të Rentis, OJF-ja e quajtur Odiseja, ka asistuar mbi 2500 refugjatë të trajnohen dhe të gjejnë punë në Greqi. OJF u krijua menjëherë pas krizës ku 1 milion refugjatë u arratisën drejt Europës.
Jay Mexis themeluesi i qendrës është shprehur se janë katër kategori trajnimesh, në teknologji, në ndërtim, në hoteleri dhe në administrim biznesi.
Sipas statistikave ai shprehet se 40% e të trajnuarve pas mbarimit të programit arritën të gjejnë një punë brenda tre muajve, pavarësisht pandemisë së COVID-19. /Top Channel
