Deputeti Erion Braçe ka reaguar sërish pas rikthimit të debatit për figurën e Qazim Mulltetit, ish-prefektit të Tiranës.
Socialisti shkruan se Mulleti ka bashkëpunuar me fashistët e nazistët dhe se si i tillë ishte i përfshirë në ekzekutimet e antifashistëve.
Braçe ka publikuar një dokument, ku ish-prefekti i asaj kohe raportonte se “kishte nderin të njoftonte se ekzekutimet janë kryer”.
“Fashizmi nuk është opinion, as teatër, as komedi. Fashizmi është krim. Urdhëroni: Kur pushkatoheshin antifashistë, në Tiranë dhe prefekti kishte “nderin” të raportonte kështu”, shkruan Erion Braçe.
Dje Braçes i është përgjigjur Mira Dine, mbesa e Qazim Mulletit, e cila vlerëson figurën e tij, qëndrimin antikomunist, por dhe ndihmën që ka dhënë për shpëtimin e hebrenjve nga gjermanët në Tiranë.
