Amy Winehouse performoi në Beograd (Serbi) më 18 qershor 2011, dy javë para vizitës në Spanjë në turneun e saj. Atë ditë, ajo u shfaq e veshur me një fustan të zi me stampa bambuje, e dizenjuar nga stilistja dhe shoqja e saj Naomi Parry. Një veshje e ngushtë në stilin e viteve 1950. Performanca, e cila premtoi shumë pas koncertit madhështor që ajo mbajti në Londër disa ditë para, përfundoi katastrofike dhe rezultoi me tallje dhe shaka nga vetë fansat e saj, duke çuar në një ndërprerje të papritur turneun e artistes. Shkaku ishte varësia e saj ndaj alkoolit dhe drogës. Pas një muaji nga ajo që ndodhi, më 23 korrik, këngëtarja britanike e cila u bë e famshme në vitin 2006 për këngën e saj Rehab, vdiq në moshën 27-vjeçare nga një mbidozë në shtëpinë e saj në Londër.
Gjatë fundjavës, Darren Julien, CEO i Julien’s Auctions , shiti disa nga artikujt më ikonikë të artistes, të ofruara nga prindërit e saj, Mitch dhe Janis Winehouse, në Beverly Hills, Kaliforni. Nga 800 artikujt e ekspozuar në këtë event, blerja më e pritur ka qenë fustani që Winehouse ka veshur në atë performancën e fundit, i cili ka arritur një çmim prej 243,200 dollarë (210,160 euro) dhe që, sipas vetë Julien, është shitur për një çmim 16 herë më të lartë se vlera fillestare e vlerësuar prej 15,000 dollarë (12,970 euro). Veshja përshkruhej në katalog si “një minifustan me kapele i përshtatur me figura, i dizajnuar nga stilistja e Winehouse, Naomi Parry, e cila ka një stamp bambuje dhe lulesh në mëndafsh.
