Një tjetër futbollist i Kombëtares shqiptare ka gjetur rrugën e rrjetës në javën e 16-të të Serie A në Itali.
Bëhet fjalë për futbollistin Nedim Bajrami, i cili luajti si titullar në sfidën mes Empolit dhe Udineses.
Në minutën e 59-ë ai u bë protagonist pasi përmbysi shifrat 2-1 në favor të Empolit. Për Bajramin ky ishte goli i tretë në këtë sezon të Serie A.
Empoli shënoi edhe një gol të tretë në minutën e 78-të me Pinamontin dhe protagonist ishte sërish Bajrami, i cili asistoi për sulmuesin që luan te toskanët i huazuar nga Interi.
