Kreu i Partisë Demokratike, Lulzim Basha, ka kërkuar 22 vite për politikanët që marrin mandatin nga njerëz që janë të përfshirë në krimin e oraganizuar si dhe ju ndalohet përjetësisht funksioni publik.
Kryedemokrati Lulzim Basha ka propozuar ndryshime në Kodin Penal, duke kërkuar 22 vite burg për këdo politikan që hyn në zgjedhje duke marrë garanci nga subjektet e krimit të organizuar për të fituar. Në një reagim në rrjetet sociale, kreu i demokratëve bën me dije se “krahas vettingut në politikë, me qëllim dhënien fund njëherë e mirë lidhjeve të botës së krimit me politikën, PD-ja do të propozojë ndryshimin e Kodit Penal, në përputhje me Kodin Penal italian, duke ashpërsuar dënimet për këdo që kryen krime zgjedhore”. Lulzim Basha nëpërmjet një statusi në “Tëitter”, shprehet se duhet t’i jepet fund njëherë e mirë lidhjeve të botës së krimit me politikën. Duke ju referuar ligjeve të shtetit fqinjë, ai shkruan se kush pranon që në mënyrë të drejtpërdrejtë ose të fitojë me votat nga elementët kriminal duhet të dënohet me 15 vjet burg, dhe nëse ai zgjidhet, sipas Bashës, duhet të dënohet me 22 vjet burg. “Kushdo që pranon drejtëpërdrejtë apo nëpërmjet ndërmjetësve, premtimin për të fituar vota nga elemente të krimit të organizuar, në shkëmbim të parave apo favoreve të tjera, dënohet me 15 vite burg; I njëjti dënim parashikohet edhe për elementet e krimit të organizuar që kanë dhënë premtime të tilla, apo këdo tjetër që rezulton i përfshirë; Nëse politikani i përfshirë në një skemë të tillë, zgjidhet, ai dënohet me 22 vite burg; Politikanit dhe kujtdo që përfshihet në veprimtari të tilla i ndalohet përjetësisht ushtrimi i funksioneve publike”, lexohet në postimin e Bashës në rrjetin social. Sipas Bashës, qeverisja dhe fatet e shqiptarëve nuk mund të diktohen nga korrupsioni dhe krimi i organizuar. Më tej Basha shton se Partia Demokratike do të bëjë gjithçka që zëri i qytetarëve shqiptarë të dëgjohet dhe vullneti i tyre të respektohet “Partia Demokratike do të bëjë gjithçka që zëri i qytetarëve shqiptarë të dëgjohet dhe vullneti i tyre të respektohet”, shton kreu demokrat. Lulzim Basha edhe pse i pranoi zgjedhjet e 25 prillit, ai më pas i quajti ato një krim zgjedhor duke filluar betejën në KQZ dhe në Kolegjin Zgjedhor. Ky i fundit nuk përmbysi ansjëgjë, por kryedemokrati Lulzim Basha ka akuzuar gjithë kohën se Aqif Rakipi dhe Tom Doshi kanë blerë mandatet e deputetëve në Partinë Socialiste. Kjo kërkesë e Bashës vjen edhe si një përgjigje ndaj lajmeve se delegatët që do të marrin pjesë në Kuvendin e 11 Dhjetorit janë marrë nën presionin e njerëzve të Tom Doshit dhe Aqif Rakipit.
Vettingu i politikanëve
Në kohën kur kryeministri Edi Rama këkroi që të bëheshin amendimet për ndryshimet kushtetuese për zgjatjen e kohës së ushtrimit të detyrës së anëtarëve të Vettingut, kryedemokrati Lulzim Basha dërgoi në Kuvend, jo amendime për këtë pikë, por kërkoi vettingun e politikanëve. Socialsitët nuk e morën në konsideratë pasi sipas tyre kjo nuk ka lidhje me kohëzgjatjen e vettingut. Basha nuk heq dorë nga nisma e tij për të çuar në sitën e drejtësisë politikanët duke përfshirë edhe veten e tij.
