Apple është në prag të bëhet kompania e parë në botë që arrin një vlerë tregu prej 3 trilion dollarë. Kjo do ta bënte gjigantin e teknologjisë më të madh se tregu gjerman i aksioneve ose e gjithë ekonomia e Mbretërisë së Bashkuar.
Ky moment historik po vjen vetëm një vit pasi gjigandi amerikan i teknologjisë shkeli shifrën prej 2 trilion dollarësh, pasi arriti një vlerë tregu prej 1 trilion dollarësh në 2018.
Aksionet e kompanisë u mbyllën me 175,08 dollarë për aksion të mërkurën. Apple duhet të arrijë 182,85 dollarë për aksion për të arritur momentin historik të shumëpritur.
Aksionet e Apple janë rritur gati 30% në vitin 2021 krahas një rritjeje të madhe prej 80% vitin e kaluar. Rivalët e kompanisë, si Microsoft, Amazon, Alphabet dhe Tesla, kanë fituar të gjithë ndërmjet 10% dhe 70%.
“Është një arritje fenomenale dhe thekson dominimin e jashtëzakonshëm të firmave të teknologjisë amerikane,” tha për Bloomberg Craig Erlam, analist i lartë i tregut në Oanda.
“Dhe ka ende shumë për të ardhur nga Apple, gjë që të bën të pyesësh se çfarë momenti historik do të kalojnë dhe sa të mëdhenj mund të bëhen,” shtoi analisti.
