Armando Broja nuk di të ndalet. Ylli i Kombëtares Kuqezi ka shënuar sërish në sfidën e djeshme midis Southampton dhe Crystal Palace.
Southampton kaloi në avantazh në në pjesën e parë ndaj Crystal Palace në Londër dhe goli i dytë i miqve erdhi nga këmbët e shqiptarit. Me një lëvizje të bukur, Broja ka lëshuar një goditje fantastike nga jashtë zonës duke shtangur portierin e Crystal Palace.
20 vjeçari la sërish gjurmë në këtë sfidë duke spikatur edhe më shumë në ligën më të fortë në botë.
U duk se goli i Armando Broja-s do të sillte 3 pikët për Southampton, por në pjesën e dytë Ayew barazoi shifrat në 2-2 final.
Megjithatë, në nivel personal ai vijon të rritet gjithnjë e më shumë dhe ky është një lajm i shkëlqyer edhe për Kombëtaren shqiptare.
Ndiqeni golin e Brojës:
https://twitter.com/gojcaj_joseph/status/1471211084031959044?ref_src=twsrc%5Etfw%7Ctwcamp%5Etweetembed%7Ctwterm%5E1471211084031959044%7Ctwgr%5E%7Ctwcon%5Es1_c10&ref_url=https%3A%2F%2Fgazetametro.net%2Fbroja-shenon-super-gol-ndaj-crystal-palace%2F
