Pas Grida Dumës, kryetari i Bashkisë së Tiranës ka fituar sot gjyqin për shpifje edhe me deputeten e PD-së Jorida Tabaku. Gjykata ka vlerësuar si të drejtë vendimin e Bashkisë së Tiranës duke i cilësuar të pabaza dhe shpifje akuzat e ngritura nga deputetja demokrate.
Kjo e fundit akuzoi kryebashkiakun Veliaj për prishje të shkollës së vjetër të dëmtuar duke pretenduar se mbi atë truall do të ndërtoheshin pallate. Më herët, kryebashkiaku Veliaj është shprehur se nuk habitet nëse edhe Tabaku, ashtu si kryetari i saj, do t’i lërë akuzat për “Samiun” si gjobë për një vilë në Lalëz.
Dy ditë më parë, kryetari i Bashkisë së Tiranës, Erion Veliaj ka fituar gjyqin për shpifje ndaj deputetes së PD-së, Grida Duma. Gjykata e Posaçme ka rrëzuar pretendimet e deputetes Duma për shpifje nga ana e kryebashkiakut Veliaj.
Sipas vendimit të gjykatës, Veliaj nuk ka shpifur kur gjatë fushatës i ka kujtuar Grida Dumës se i kishte shitur disa herë të njëjtin apartament një individi dhe se ajo qe dënuar nga gjykata për mashtrim.
