Katër trupa që u gjetën në dy pika të ndryshme në Virxhinia, besohet se janë të gjithë viktima të një vrasësi serial, i mbiquajtur nga policia “Vrasësi me karrocat të blerjeve”. People shkruan se gjatë një konference për shtyp të premten, shefi i policisë së qarkut Fairfax, Kevin Davis tha se i dyshuari, Anthony Robinson, (i cili u arrestua dhe u akuzua për dy vdekje muajin e kaluar) mund të jetë i përfshirë në vdekjen e të paktën dy grave të tjera.
Sipas policisë, 35-vjeçari dyshohet se i njihte viktimat e tij në faqet e internetit të takimeve dhe thuhet se i joshte në motele lokale. Më pas ai i vriste dhe përdorte karrocat e blerjeve për t’i transportuar trupat e tyre në zona të ndryshme për t’i hequr qafe më pas.
“Ne jemi në procesin e kryerjes së, së bashku me shumë partnerë të tjerë, një hetim retrospektiv për të kuptuar se ku ka qenë ai. Dhe ne do të punojmë me partnerët tanë të zbatimit të ligjit, detektivët e vrasjeve, detektivët e personave të zhdukur, për të parë nëse mund të identifikojmë ndonjë viktimë tjetër,” tha Davis.
Dy nga viktimat, Allene Elizabeth “Beth” Redmon dhe Tonita Lorice “Nita” Smith, u gjetën të vdekur muajin e kaluar në Harrisonburg. Autoritetet tani besojnë se Robinson është gjithashtu përgjegjës për vdekjen e një gruaje që ata mendohet se është Cheyenne Broën si dhe një viktimë tjetër, e cila ende nuk është identifikuar.
