Atdhe Xharavina është një nga ish-konkurrentët më të diskutuar të emisionit Përputhen dhe është përfolur shpesh herë për trazirat që ka shkaktuar në median rozë. Një nga vajzat me të cilat ai u dyshua se ka qenë në një lidhje ishte edhe moderatorja Bora Zemani, por të dy e mohuan menjëherë këtë gjë.
Tashmë Atdheu ndodhet përsëri në qendër të vëmendjes pasi kësaj here është parë në shoqërinë e një tjetër vajze dhe bëhet fjalë pikërisht për Efin e Përputhen.
Kryefjala.com bën me dije se ata janë kapur “mat” ne një dyqan në Tiranë teksa Efi provonte fustane dhe Atdheu është treguar një xhentëlmen i vërtete që e ka shoqëruar. Dyshja dukeshin mjaft të afërt me njëri tjetrin duke ngritur kështu dyshimet se janë ne një lidhje.
Efi bëri bujë në emisionin e Përputhen për shkak të ngjashmërise me Bora Zemanin dhe Elvana Gjatën, por mesa duket e ka gjetur dashurinë jashtë programit. Ajo pati disa takime me Brunon, një konkurrent i Përputhen, por në takimin e fundit pranoi pëlqimin për dikë tjetër dhe nuk dihej nëse e kishte fjalën për Atdheun apo jo.
Kujtojmë se pak me parë, Atdheu pranoi gjithashtu në emisionin “Wake Up” se ishte në një lidhje por nuk na tregoi asgje më shumë për vajzën misterioze.
A mund të jetë Efi arsyeja përse flitet se ai do të rikthehet në emision?
