Ish-lideri i protestës studentore Gabriel Boriç ka mundur konservatorin Jose Antonio Kast në zgjedhjet presidenciale të Kilit, duke u bërë udhëheqësi më i ri i vendit.
Kast pranoi humbjen të dielën me Boriçin që mbante një epërsi të konsiderueshme – rreth 55% në 45%. Boriç, 35 vjeç, është zotuar të zgjerojë programet sociale të Kilit, të shtetëzojë sistemin e pensioneve dhe të rrisë të ardhurat e qeverisë nëpërmjet taksave mbi kompanitë masive të minierave që operojnë në vend.
Megjithëse gara shënoi një nga zgjedhjet presidenciale më të diskutueshme dhe polarizuese që kur Kili u kthye në demokraci tre dekada më parë, Kast e uroi rivalin e tij vetëm rreth 90 minuta pas mbylljes së qendrave të votimit. “Nga sot, ai është presidenti i zgjedhur i Kilit dhe meriton gjithë respektin dhe bashkëpunimin tonë konstruktiv”, tha Kast.
