Rreperi i njohur shqiptar Dardan Mushkolaj, i cili jeton prej vitesh në Gjermani, është mjaft aktiv në rrjetet sociale dhe së fundmi ka arritur të marrë vëmendjen e të gjithëve pas një veprimi të veçantë që i ka emocionuar ndjekësit e tij.
Mushkolaj planifikoi një propozim mjaft romantik për të dashurën e tij, Hava, gjatë pushimeve të tyre në Dubai.
Lajmi është bërë i ditur nga vetë çifti, përmes një postimi në rrjetin social “Instagram”.
Dyshja ka pozuar në shkretëtirë ku duken të lumtur e të buzëqeshur, ndërkohë që partnerja e Dardanit, Hava, tregon unazën në dorë dhe nje buqetë të bukur me trëndafila të kuq.
“Unë thashë PO”, shkruan ajo ne gjermanisht pranë fotos, dhe nëpër komente nuk mungojnë aspak komplimentat dhe urimet për çiftin.
Dardan Mushkolaj, shqiptari nga Deçani i cili njihet gjithashtu me emrin e skenës “Mister Dardy”, ka patur një sukses të jashtëzakonshëm me këngët dhe bashkëpunimet e tij, të cilat preferohen si nga publiku shqiptar ashtu edhe nga ai gjerman.
Jo më shumë se një muaj më parë, Dardan ka publikuar këngën e tij me Hava, te titulluar “High” e cila është pëlqyer shumë nga publiku, i cili i mbështet ata në çdo hap.
View this post on Instagram
