Kristiana Sheqi, është vlerësuar sot me një certifikatë falënderimi, si një nga studentët më të mira në kursin e Policisë Rrugore.
Kjo certifikatë i është dhuruar efektives së re në ceremoninë e mbajtur këtë të enjte, ku i pranishëm ishte dhe drejtori i përgjithshëm, Geldis Nano.
E reja, në një prononcim për mediat, ka thënë se Policia e Shtetit ka qenë ëndrra e saj e fëmijërisë. Ajo shprehur falenderim për stafin pedagogjik dhe të gjithë ata që e kanë ndihmuar në këtë rrugë.
“Sot është një ditë shumë e bukur, emocionuese që do mbetet gjatë në kujtesën time, pasi certifikata që mora sot është pasaporta e jetës time. Që e vogël ënderroja te isha pjesë e Policisë së Shtetit dhe sot jam pjese e saj e për këtë jam krenare. Do tju shërbej qytetarëve me ndershmëri e përkushtim. Faleminderit eprorëve për vlerësimin, faleminderit gjithë stafit petagogjik, faleminderit familjes time për mbështetjen dhe inkurajoj koleget e kolegët e mi që të mos stepen nga vështirësitë gjatë rrugëtimit tonë, por të japin më të mirën e tyre në funksion të imazhit të Policisë dhe të një shërbimi sa më cilësor për qytetarët.
Suksese Drejtorit të Ri të Përgjithshëm të Policisë së Shtetit, mosha e re e tij dhe filozofia perëndimore janë inkurajim për ne, gjeneratën e re, për të e çuar në rrugën e vlerave dhe të karrierës”, u shpreh Sheqi.
