Një mësuese në një shkollë të Nju Jorkut në SHBA, pa kualifikim formal mjekësor, është arrestuar pasi dyshohet se i ka injektuar një vaksinë anti COVID një nxënësi të saj. Policia thotë se Laura Russo e administroi dozën në shtëpinë e saj, pavarësisht se nuk kishte autorizim ligjor ose leje nga prindërit e djalit.
Zonja Russo, 54 vjeçe, e cila jep mësim biologji, u arrestua natën e Vitit të Ri dhe mund të përballet me katër vjet burg nëse shpallet fajtore.
Djali 17-vjeçar thuhet se kishte kërkuar vaksinën. Injeksionet mund të jenë të rrezikshme nëse administrohen në mënyrë të gabuar. Mjekët dhe punonjësit e licencuar mjekësorë duhet të verifikojnë që një vaksinë nuk është e falsifikuar ose e skaduar. Pacientët gjithashtu duhet të pyeten për historinë e tyre mjekësore dhe të monitorohet reagimi i tyre pas një injektimi.
