Forcat e RENEA-s nisën një aksion të papritur në disa prej qyteteve kryesore të Shqipërisë.
Operacioni për kapjen e personave të rrezikshëm nisi në Elbasan. U kryen kontrolle në lokale të ndryshme dhe banesa ndërsa në fokus ishin persona në kërkim që qarkullojnë me armë ose me lëndë narkotike.
Në kuadër të këtij operacioni u shoqërua disa persona. Po ashtu, forcat RENEA blinduan edhe qytetin e Vlorës.
Së bashku me policinë e Vlorës nisën një aksion për vendosjen para drejtësisë të personave në kërkim, me rrezikshmëri të lartë por dhe me armëmbajtje pa leje.
Kontrolle të befasishme nga RENEA janë kryer edhe në zonën e Laçit e Mamurrasit.
Ndërsa në Shkodër, operacioni u shoqërua me një incident. Forcat e RENEA-s u kapën me një person i cili filmonte aksionin, që në fakt ishte gazetar i ABC-së.
