Të paktën dy personave të zbatimit të ligjit iu janë prerë kokat gjatë protestave të dhunshme në qytetin Almaty në Kazakistan, sipas raportimeve të mediave lokale.
Lajmet u transmetuan nga kanali televiziv shtetëror i Nur-Sulltanit Khabar 24, duke cituar autoritetet e qytetit. Rreth 353 oficerë thuhet se janë plagosur deri më tani. Numri i të vdekurve në mesin e anëtarëve të policisë dhe shërbimit të sigurisë thuhet se ka arritur në 13.
Nuk është ende e qartë nëse rebelët ua prenë kokën viktimave ndërsa ishin ende gjallë apo i gjymtuan trupat e tyre pas vdekjes. Nuk është ofruar ende asnjë provë për të mbështetur pohimin.
Kanali citoi zyrtarë që kanë thënë se prerjet e kokës ishin “provë e drejtpërdrejtë e natyrës terroriste dhe ekstremiste të grupeve të trazirave”.
