Ashtu siç ishte paralajmëruar, ditën e sotme kanë nisur protestat e ashpra dhe të dhunshme përpara selisë së Partisë Demokratike, për të larguar Lulzim Bashën nga selia e PD-së.
Protesta nisi në orën 12:00 në momentin kur dera kryesore e selisë është hapur me forcë nga protestuesit dhe kanë vijuar me agravim situate me hedhjen e gazit lotsjellës nga mbështetësit e Bashës.
Protesta pati dhe shkatërrime pronash, kundërshtim të forcave të policisë dhe bllokim të qarkullimit rrugor. Lidhur me këtë situatë, ka reaguar bashkëshortja e djalit të Sali Berishës, Armina Mevlani.
Nëpërmjet një “story” në lloarginë e saj të “Instagram”, Armina ka publikuar një foto teksa shikon lajmet lidhur me protestën ku shkruhej: “Edi Rama i vjen në ndihmë Lulzim Bashës”
Lidhur me këtë, ajo ka reaguar duke e konsideruar të trishtë mbështetjen për opozitën nga “Policia e Shtetit”
“Kjo është situata e trishtë ku ndodhemi! Opozita ‘fallco’ e mbështetur nga policia e shtetit, dhe opozita e vërtetë e dhunuar sepse dëshiron të hyjë në shtëpinë e vet, me të drejta dhe vota të plota!!! Nuk ka bërë vaki që dikush të qëndrojë me dhunë kur demokratët nuk e duan. Pak dinjitet zotëri, pak dinjitet… Megjithëse dinjitetin e ke fjalë të huaj, sepse po ta njihje do ishe larguar që kur humbe për herë të 100.”
