Detaje të tjera janë zbuluar nga plagosja e dyfishtë që ndodhi pasditen e sotme në fshatin Larushk në Fushë Krujës.
Gentian Bejtja, 41 vjeç dhe Klodjan Stafuka ishin duke lëvizur me makinë, kur u zunë në pritë në afërsi të një karburanti në Larushk.
Nga plumbat që erdhën drejt tyre, njëri zuri Bejtjen në krah, ndërkohë që Stafuka është plagosur gjithashtu, pasi nga të shtënat Bejtja humbi kontrollin e mjetit duke dalë nga rruga.
Stafuka ka marrë dëmtime në kokë. Të dy ndodhen aktualisht në spitalin e Traumës, ku dhe po marrin mjekimin e nevojshëm. Janë jashtë rrezikut për jetën.
