Në Romë kanë dënuar një ceremoni funerali jashtë një kishe që pa të pranishmit të mbledhur rreth një arkivoli të mbuluar me flamur nazist ndërsa thërrisnin “Prezente!”.
Faqja italiane e lajmeve “Open” publikoi foto dhe video të situatës jashtë kishës së Shën Lucia në Romë, duke shkaktuar reagime të ashpra mbi praninë e simbolit nazist në një institucion fetar.
Në një deklaratë të lëshuar të martën, Kisha Katolike në Romë mohoi çdo informacion për atë që ndodhi, duke pretenduar se famullitari dhe prifti që drejtuan funeralin nuk ishin në dijeni se çfarë ndodhi jashtë pas përfundimit të shërbimit.
“Ky shfrytëzim ideologjik dhe i dhunshëm, veçanërisht pranë një vendi të shenjtë, mbetet serioz, fyes dhe i papranueshëm për komunitetin kishtar të Romës dhe për të gjithë njerëzit me vullnet të mirë në qytetin tonë”, tha Vikariati i Romës.
Gjithashtu, në deklaratë u theksua se famullia kishte konfirmuar se ngjarjet jashtë kishës “u zhvilluan pa asnjë autorizim as nga famullitari apo nga prifti kremtues”, të cilët nuk kishin qenë “në dijeni” për ngjarjet e planifikuara përpara se të ndodhnin, duke e quajtur flamurin nazist “një simbol i tmerrshëm i papajtueshëm me krishterimin.”
Kisha e Shën Lucia u distancua shpejt “nga çdo fjalë, gjest dhe simbol i përdorur jashtë kishës, që i atribuohet ideologjive ekstremiste, larg mesazhit të Ungjillit të Krishtit”.
Papa Françesku, i cili zyrtarisht është peshkopi i Romës, nuk ka komentuar deri tani situatën.
