Minjve nuk u pëlqen djathi. As ai me vrima, djathi i famshëm zviceran. Por fëmijët mendojnë kështu dhe ndoshta jo vetëm, sepse në filmat vizatimorë, minjtë e lezetshëm bëjnë gjithçka për të rrëmbyer një kafshatë djathë . Cilat janë ushqimet që joshin minjtë? Kryesisht janë ëmbëlsirat. Në fakt, dieta e tyre natyrale përbëhet nga fruta, fara, drithëra dhe ushqime të pasura me sheqer.
Mirëpo, minjtë janë kafshë gjithçkangrënëse, të cilat nëse është e nevojshme, veçanërisht nëse jetojnë pranë njerëzve, nuk e përbuzin mishin apo edhe produktet e qumështit. Në disa raste, me pak fjalë, edhe një copë djathë mund të vlerësohet si karrem për ti kapur ata.
Për më tepër, siç e di mirë kushdo që ka gjetur shtëpinë e “banuar” nga këta brejtës, ata shpesh shijojnë edhe dru, tela elektrikë, pëlhura dhe madje edhe materiale plastike.
Dhe në rast nevoje ata janë gjithashtu të gatshëm të hanë jashtëqitjet e tyre për të mbijetuar. Megjithatë, është e vërtetë që minjtë pinë pak dhe ujin që u nevojitet për mbijetesë, e marrin direkt nga ushqimi që hanë.
