Fjala.al ka siguruar pamjet nga momenti i grabitjes së një argjendarie në Shkodër nga një çift nga Vlora. Ngjarja ka ndodhur në lagjen Demokracia në Shkodër, ku nga pamjet duket sesi çifti i ri është futur në ambientet e argjendarisë sikur janë të interesuar për të blerë dhe pronarët burrë e grua kanë vendosur mbi banak kutinë ku janë të vendosura bizhutë.
Siç shihet në pamje, është pikërisht gruaja ajo që nxjerr me shpejtësi një spray paralizues dhe iu hedh në fytyrë pronarit dhe shitëses, ndërsa bashkëshorti i saj tenton të marrë bizhuteritë. Por pavarësisht tentativës, pronari i argjendarisë i ka ndjekur bashkë me shitësen, duke i ndaluar në hyrje të dyqanit. Këta të fundit u arrestuan nga policia.
Ndërkohë këtë të diel gjykata ka vendosur masën arrest me burg për çiftin nga Vlora.
Ngjarja ka ndodhur mesditën e së enjtes ku menjëherë pas njoftimit të pronarëve çifti i grabitësve përfundoi në pranga.
